ថ្ងៃហ្នឹងបានលឺថាការប្រលងជ្រើសរើសសិស្សមកកាន់UWCជុំទីពីរបានបញ្ចប់ហើយមានបេក្ខជន បួននាក់មកពីបន្ទាយមានជ័យ។តាមដឹងបេក្ខជនទាំងបួននាក់សុទ្ធតែប្រុស!តាមដានទៀតមើល ថាតើឆ្នាំទី១ខ្ញុំប្រុសរឺស្រី ហើយមកពីណា!នឺកឃើញពីការប្រលងឆ្នាំមុន ជុំទីពីរ និង ជុំទី៣ជាជុំ គួរឲចាប់អារម្មណ៍ជាងគេ ទាំងភ័យ ទាំងសប្បាយ។គួរឲរំលឺកថាឆ្នាំមុនពេលនេះខ្ញុំកំពុងតែ រៀបចំសំនុំឯកសារ ទិដ្ឋការ​ និង លិខិតឆ្លងដែនយ៉ាងត្រដាបត្រដួស គ្មានដឹងទិសតំបន់អីទេ ប៉ុន្តែឆ្នាំហ្នឺងការរើសហាក់ដូចជាមានការយឺតយាវ លឺថាមានបញ្ហាខាងបច្ចេកទេស។ប៉ុន្តែឃើញ ថាមានភាពទូលំទូលាយព្រោះប្រព្រឺត្តទៅនៅស្ទើរគ្រប់ខេត្ត។

ការប្រលងឆ្នាំមុនប្រព្រឺត្តទៅបីដំនាក់កាល៖

ជុំទី១៖ ជាការប្រលងវិញ្ញាសាក្រដាសរួមមាន៣មុខវិជ្ជា គណិតវិទ្យា(២ម) វប្បធម៌ទូទៅ(១ម) និង ភាសាអង់គ្លេស(១ម)។

ជុំទី២៖ ចែកជាពីរផ្នែក៖

វិញ្ញាសាក្រដាស៖ គណិតវិទ្យា និង អង់គ្លេស
សកម្មភាព៖ ការសំភាសន៍(អង់គ្លេស) ការពិភាក្សាក្រុម(ភាសាខ្មែរ) ការពិភាក្សាក្រុម (អង់គ្លេស) ការធ្វើការជាក្រុម និង​ ល្បែងកំសាន្ត។

ជុំទី៣៖ ជាជុំផ្តាច់ព្រ័ត្រ។ វិញ្ញាសារួមមាន សំភាសន៍(ភាសាខ្មែរ) សំភាសន៍(អង់គ្លេស) ការងារក្រុម និង ការបង្ហាញ។